პოლიტიკური კრიზისის დაძლევის სააკაშვილისეული მოდელი – ყოფილი პრეზიდენტი ფართო ოპოზიციურ ერთობას და ქართულ საზოგადოებას საკუთარ წინადადებებს შესთავაზებს, კონკრეტულად რა ნაბიჯებს გულისხმობს უცნობია, თუმცა პირად “ფეისბუქზე” უკვე გამოქვეყნებულ წერილში განმარტავს, რომ “თავდადებისა და წინააღმდეგობის” კერების გარეშე არაფერი გამოვა. მსჯავრდებული და ბრალდებული ექსპრეზიდენტის ამ განცხადებას უვე მოყვა შეფასებები პოლიტიკურ წრეებში.
საპარლამენტო უმრავლესობის წევრის ალუდა ღუდუშაურის განცხადებით, უჭირს იმ სიტყვის მოძებნა, რომელიც შეესაბამება სააკაშვილის მოცემულ მდგომარეობას.
“მიჭირს იმ სიტყვის მოძებნა, რომელიც შეესაბამება სააკაშვილის გაფარჩაკებულ თუ, ბოდიში და გაბანძებულ მდგომარეობას. ეს არის აგონიაში მყოფი ადამიანის განცხადება, ამავე წერილში ხაზგასმით აღნიშნავს იმას, რომ არავისთან ბოდიში არ აქვს მოსახდელი და თუ ვინმეს ქონია ბოდიში მოსახდელი თურმე ყოფილა ხელისუფლება. აი ამ განაცხადების შემდეგ საუბრობს ეს ადამიანი რაიმე შერიგებაზე,“- განაცხადა ალუდა ღუდუშაურმა.