ამ შემთხვევაში, ნაძვის ხეზე არც წასვლით და არც წაუსვლელობით არაფერი დაშავდება, – ასე აფასებს ოპოზიციონერი პოლიტიკოსი გიგი უგულავა, პრეზიდენტ სალომე ზურაბიშვილის სასახლეში ოპოზიციონერი პოლიტიკოსების მიწვევის საკითხს.
„ის, ვინც არ მიდის, არ მიდის არა ბოიკოტის გამო, არამედ იმის გამო, რომ სადღესასწაულო ნაძვის ხე არ არის ის ფორმატი, სადაც საქმიანი საუბარი შედგება და ამის მოლოდინი არც არის, ქალბატონმა სალომემ თქვა კიდევაც, ეს, უბრალოდ, ნაძვის ხე არის. მეორე მხარე, ვინც მიდის, იმის არგუმენტია, რომ რაღაცნაირად ყინული თუ გინდა დაიძრას და შემდეგი იყოს ლაპარაკი, მანამდე ხელი უნდა ჩამოართვა. ამ არგუმენტსაც აქვს არსებობის უფლება“, – განაცხადა გიგი უგულავამ.
კომენტარები