დავით სერგეენკოს თქმით, შერიგებას წინ უძღვის დიალოგი და აზრების ერთმანეთში გაცვლა. საპარლამენტო უმრავლესობის წევრი აღნიშნავს, რომ არ შეიძლება ყოფილი პრეზიდენტის, მიხეილ სააკაშვილის გათავისუფლების საკითხი ხელისუფლებასა და ოპოზიციას შორის შერიგების საწინდარი იყოს.
„დიდი სიამოვნებით მოვისმენდი სხვა საკითხებს, რადგან მხოლოდ ერთ საკითხს ვისმენ ოპოზიციისგან, რომ პრეზიდენტის გათავისუფლება იქნება შერიგების საწინდარი და არასაკმარისი მოცემულობაა ეს ჩემთვის. რა შეიძლება იყოს შერიგება ყოფილი პრეზიდენტის გათავისუფლების გარდა, ვერცერთ ლექსიკონში ვერ ამოვიკითხავთ შერიგების ასეთ განმარტებას. შერიგების საწინდარი არის დიალოგი და არგუმენტების გაცვლა-გამოცვლა ერთმანეთში და არა შემოთვლა ერთ საკითხზე“, – განაცხადა დავით სერგეენკომ.
კომენტარები