ხვალ დარეგისტრირდება პირველი ორი ფრაქცია, ხოლო დანარჩენ ფრაქციებს მინისტრთა კაბინეტის დამტკიცების შემდეგ დავარეგისტრირებთ, – განაცხადა პარტია ”ქართული ოცნება – დემოკრატიული საქართველოს” ერთ-ერთმა ლიდერმა, არჩილ თალაკვაძემ.
როგორც არჩილ თალაკვაძემ აღნიშნა, დანარჩენი ფრაქციების დარეგისტრირება უკვე მთავრობის დამტკიცების შემდეგ მოხდება.
”პრეზიდენტმა უკვე მიიღო გადაწყვეტილება და მეცხრე მოწვევის პარლამენტის პირველი სხდომა ხვალ ჩაინიშნა. ნომინირებულია პარლამენტის თავმჯდომარე და ვიცე სპიკერები, ასევე, ყველა კომიტეტის თავმჯდომარე, რომლებიც შიდა პარტიული კონსულტაციების შემდეგ შეირჩა. ხვალ გაიმართება სხდომა ტრადიციული დღის წესრიგით. ხვალვე დარეგისტრირდება პირველი ორი ფრაქცია, ხოლო დანარჩენ ფრაქციებს მინისტრთა კაბინეტის დამტკიცების შემდეგ დავარეგისტრირებთ. აქედან ერთი ფრაქცია იქნება „ქართული ოცნება”, რომლის ხელმძღვანელიც იქნება მამუკა მდინარაძე”, – განაცხადა არჩილ თალაკვაძემ.