„რაც ნაკლებად ახსენებენ ”ნაციონალური მოძრაობის” წარმომადგენლები საკუთარ პარტიას ჯოჯოხეთის კონტექსტში, მით უფრო ნაკლებად გაახსენდებათ საქართველოს მოქალაქეებს ის მძიმე წარსული, რომელიც ჩვენ გამოვიარეთ”, –განაცხადა ირაკლი კობახიძემ საქართველოს პარლამენტში სიტყვით გამოსვლისას:
„პოლიტიკური სისტემის კონსოლიდაცია არის ის მიზანი, რომელიც მხოლოდ ერთი პარტიის ძალისხმევით მიიღწევა. იმისთვის რომ ეს მიზანი იყოს მიღწეული, რასაც პოლიტიკური სისტემის კონსოლიდაცია ჰქვია, პარტიული სისტემის გაძლიერება, ამ სისტემის ისტიტუციონალიზაცია, ეს არის ის მიზნები, რომელიც საჭიროებს პარლამეტის თითოეული წევრის, პარლამენტში წარმოდგენილი თითოეული პოლიტიკური პარტიების ძალისხმევას. დიდი იმედი მაქვს, რომ ამ სულისკვეთებით ვიმუშავებთ მომდევნო 4 წლის განმავლობაში.
რაც შეეხება საგამოძიებო კომისიებს – ეს არის ერთ-ერთი რთული საკითხი, ჩვენი პარლამენტარიზმის ისტორიას თუ თვალს გადავავლებთ. ის კონკრეტული საკითხები რომელიც აქ დაისვა, ინდივიდიუალური გადაწყვეტილების საგანი უნდა გახდეს. თითოეული კომისიის შექმნასთან დაკავშირებით, საჭიროა ინდივიდუალური მსჯელობა“, -აღნიშნა კობახიძემ.