რეჟისორი ბაკურ ბაკურაძე სოციალურ ქსელში პოსტს აქვეყნებს.
“ყოველთვის ვამბობ, რომ ისტორიისათვის არაფერია მიწის, გავლენის ან იურისდიქციის დაკარგვა. ეს ყველაფერი ხან იკარგება და ხან ბრუნდება. ასეთია ჩვენი, კაცობრიობის წესი და წყობა (სამწუხაროდ), თუმცა იმ ეპოქის თანამედროვეთათვის უმძიმესი დანაკლისია თუნდაც ერთი გოჯი მიწის დაკარგვა, შენი სახელმწიფოს გავლენის თუნდაც ოდნავი შესუსტება, საკუთარი სახლ-კარის, ქალაქის, შენი მამულის იძულებით დატოვება.
ისევე, როგორც ჩვენმა წინაპრებმა, საუბედუროდ, ეს ჩვენც მრავალჯერ და მრავალმხრივ განვიცადეთ და გადავიტანეთ.
იორდანეს ნაპირზე რომ ქართული გალობა გაისმება ამაზე დიდი სიხარული და საჩუქარი რა შეიძლება იყოს ნათლისღებას?
რამხელა ბედნიერება და მადლია, რომ უფლის ნატერფალზე შენი საკუთარი მიწა ისევ გაქვს ქვეყანას, რომლის არსებობა საუკუნეებია დაკავშირებულია ქრისტიანობასთან, რომლის იდენტობა მართლმადიდებლობისაგან განუყოფელია.
უდიდეს მადლობას ვუხდი იორდანიის სამეფოს ამ უზარმაზარი საჩუქრისათვის, ეს ხომ მხოლოდ და უბრალოდ მიწის ჩუქება არაა, ეს ხომ ჩვენი ქვეყნის, ჩვენი აღმსარებლობის, კულტურის, ისტორიის დაფასება და უდიდესი პატივისცემაა, ეს ხომ მეგობრობისა და კეთილი, არა საუკეთესო! ურთიერთობის ნიშანია?!
დიდი მადლობა, ჯანმრთელობა და დიდი ხნის სიცოცხლე ჩვენს უსაყვარლეს უწმინდესს, მისი ლოცვა შეეწიოს ჩვენს სამშობლოს მუდამ!
დიდი მადლობა საქართველოს ხელისუფლებას გაწეული ამ უდიდესი სამუშაოსათვის!
უღრმესი მადლობა საქართველოს ელჩს იორდანიაში!
დიდი მადლობა თითოეულ ადამიანს, ვინც ამ საქმეში მიიღო მონაწილეობა!
და კიდევ ერთხელ დიდი მადლობა იოდრანიის მეფესა და მის ხელისუფლებას ასეთი საჩუქრისათვის!
უფალი მეფობს და მისი მფარველობა არ მოაკლდეს საქართველოს და იორდანიას!”-წერს რეჟისორი.