„ომიკრონის“ ცირკულაცია მომატებულია ქვეყანაში – ჩვენი გათვლებით დაახლოებით 90% უკვე გახლავთ „ომიკრონი“ , რაც ცირკულირებს ყველა დადებით შემთხვევაში, – ამის შესახებ საკოორდინაციო საბჭოს სხდომის დასრულების შემდეგ, დაავადებათა კონტროლის ეროვნული ცენტრის დირექტორმა, ამირან გამყრელიძემ განაცხადა.
„ასევე მოგეხსენებათ არის „ომიკრონის“ 1 ქვეშტამი: პირველი, რომელმაც დაიწყო ცირკულირება გასული წლის ნოემბერში – BA.1 და შემდგომ გაჩნდა მეორე – BA.2. ჩვენთან ორივე იდენტიფიცირებულია. მეორე შტამს კიდევ უფრო სწრაფი გადამდებლობა ახასიათებს და დიდი ალბათობით, სწრაფი აღმავალი ტალღა შესაძლებელია მასთან იყოს დაკავშირებული“, – განაცხადა გამყრელიძემ.
მისივე თქმით, მომავალი 2 კვირის განმავლობაში ქვეყანაში „ომიკრონის“ ცირკულაცია გაიზრდება და შემთხვევათა რაოდენობა კიდევ უფრო მეტი იქნება.