ციციშვილის კლინიკაში ამ დროისთვის 165 ბავშვი მკურნალობს. მათი ჯანმრთელობის მდგომარეობა სტაბილურია. დღის განმავლობაში, კლინიკიდან, დაახლოებით, 40 პაციენტს წერენ. ექიმის განცხადებით, „ომიკრონის“ შემთხვევაში, „დელტასგან“ განსხვავებით, პაციენტების ჰოსპიტალიზაცია სამი დღე გრძელდება.
„ამ ეტაპზე, საწოლები გვაქვს. გასაწერია 35 პაციენტი, რამდენიმე საათში გაეწერებიან და კიდევ უფრო მეტი ადგილი გამოჩნდება. მ ეტაპზე, 12 ადგილი მაინც არის. რეანიმაციაში ახალი მძიმე პაციენტი არ შემოსულა. 3 პაციენტი, რომელიც მართვით სუნთქვაზე იყო, სტაბილურად მძიმედაა და ისევ მართვით სუნთქვაზე რჩებიან. ამ ეტაპზე, სასწრაფოსაც მოჰყავს წლამდე ასაკის ბავშვები ან რისკჯგუფის პაციენტები. ამ დროისთვის, 12 წლის ზემოთ, აცრილი პაციენტი არ გვყავს. მომართვიანობა არ მომატებულა, ვითარება სტაბილურია, მგონი, უკვე ოჯახის პირობებშიც დაიწყეს მსუბუქი მდგომარეობის ბავშვების მართვა“ – აცხადებს ციციშვილის სახელობის ბავშვთა ახალი კლინიკის სამედიცინო დირექტორი, მაია ჩხაიძე.