ფინანსთა მინისტრის მოადგილის, მიხეილ დუნდუას განცხადებით, მიმდინარე თვეებში ინფლაციის მაღალი მაჩვენებელი განპირობებულია აბსოლუტურად გლობალური ფაქტორებით, ეს საერთაშორისო სავალუტო ფონდმაც არაერთხელ აღნიშნა.
„ეს მსოფლიო ტენდენციაა და საქართველო, სამწუხაროდ, გამონაკლისი ვერ იქნება. თუმცა მომდევნო თვეებში ველოდებით ინფლაციის ტემპის მნიშვნელოვან დასტაბილურებას. მინდა გამოვეხმაურო უსაფუძვლო კრიტიკას ერთი პოლიტიკური ძალის მხრიდან. როდესაც ისინი იყვნენ ხელისუფლებაში, საშუალოდ ყოველ მეოთხე თვეს იყო ორნიშნა ინფლაცია. 21-ე საუკუნეში ინფლაციის ყველაზე მაღალი მაჩვენებელი 2011 წელს დაფიქსირდა – 34%-ზე მეტი. ასე რომ, ჩვენი ხელისუფლების პირობებში ინფლაციის მაჩვენებელი 1,5-ჯერ უფრო ნაკლებია, ვიდრე წინა ხელისუფლების პერიოდში – ამას ვამბობ უბრალოდ შედარებისთვის“, – აცხადებს მიხეილ დუნდუა.