ეპიდვითარების პიკი ქვეყანაში – მომდევნო რამდენიმე დღე გადამწყვეტი იქნება და გამოჩნდება, როდის წავა ტალღა დაღმავალი ფაზისკენ.
გაზრდილი სტატისტიკის ფონზე, სპეციალისტები ამბობენ, რომ ვირუსი ხშირ შემთხვევაში მსუბუქად მიმდინარეობს, მძიმე პაციენტების რაოდენობა არ იზრდება და არ იმატებს არც რეანიმაციაში მყოფ პირთა რიცხვი.
თბილისის სახელმწიფო სამედიცინო უნივერსიტეტის პროფესორი, ექსპერტი ჯანდაცვის საკითხებში, დევი ტაბიძე ამბობს, რომ რეანიმაციულ განყოფილებებში მყოფი პაციენტების უმრავლესობა დელტა შტამით არის ინფიცირებული და მათი დიდი პროცენტი ვაქცინირებული არ არის.
“ამ კვირის ბოლოსთვის ჩვენ ველოდებით პიკს და ამ პიკის შემდეგ უკვე დაიწყება რეალურად კლება. კლება დაიწყება ეტაპობრივად, ერთიანად არა და ეს ყველაფერი საბოლოო ჯამში აისახება იმაზე, რომ ჰოსპიტალური სექტორი ნელ-ნელა უფრო განიტვირთება.
რეანიმაციულ განყოფილებაში “ომიკრონი” არ არის, დღევანდელი მონაცემებით თითქმის არ არის და დაავადებულთა ძირითადი რაოდენობა არის ისევ დელტა შტამი. 80-85% დელტა შტამით დაავადებული პაციენტების ვინც არის რეანიმაციაში, არიან აუცრელები,” – ამბობს დევი ტაბიძე.