ქობულეთის მერიაში ხმაურია – „ნაციონალური მოძრაობის“ წევრები მერთან შეხვედრას მოითხოვენ. ოპოზიციას კითხვები აქვს აუდიტის დასკვნასთან დაკავშირებით, რომელიც რამდენიმე დღის წინ გამოქვეყნდა.დასკვნაში დარღვევები რამდენიმე მიმართულებით გამოიკვეთა, ერთ-ერთი პრობლემური საკითხი კი დაუსაბუთებლად გაზრდილი ხელფასებია. ადგილზე მობილიზებულია პოლიცია, შენობაში არ უშვებენ არც მედიის წარმომადგენლებს.„საკრებულოს წევრებს განცხადება უნდათ შენობის შიგნით, მთელ კრიმინალურ დანიშნულებებს აქვს ადგილი ქობულეთის მუნიციპალიტეტში, ბიუჯეტიდან მილიონობით თანხას იპარავენ. ამ კითხვების დასასმელად საკრებულოს წევრები მოვიდნენ მერთან, რომელიც იმალება ჯებირის უკან და არ აძლევს საკრებულოს წევრებს გადაადგილების უფლებას.
უკანონოდ მოიყვანეს პოლიციელები, ჩააყენეს აქ და დაცვის სამსახურის უფროსს რომ ვეკითხებით, პოლიცია აქ რატომ არის, განმარტებას ვერ აკეთებენ“, – განაცხადა ენმ-ს წევრმა, ქობულეთის საკრებულოს დეპუტატმა, ბონდო თედორაძემ.