“ვულოცავ ქართველ მწერლებს, პოეტებს, რეჟისორებს, მომღერლებსა და მსახიობებს, ულტრაინტელექტუალებად წოდებულ იდიოტებს, დეპუტატებსა და ანალიტიკოსებს, რომლებიც ლევან ზურაბაშვილის სასტიკად დასჯას, ეშაფოტზე აყვანას ითხოვდნენ!” – ასე ეხმაურება თბილისის საქალაქო სასამართლოს მიერ ლევან ზურაბიშვილისათვის 7 წლიანი სასჯელის შეფარდებას პოლიტოლოგი ლევან ლორთქიფანიძე.
ლორთქიფანიძე მიიჩნევს, რომ მიკროსაფინანსო ორგანიზაციის „უბადრუკ“ ოფისში შეჭრისათვის, ადამიანისათვის 7 წლიან პატიმრობის მისჯა არასამართლიანია.
„კაზინოებისა და ბანკებისგან გაუბედურებული უმუშევარი კაცი, რომელიც სათამაშო პისტოლეტით ხელში შეიჭრა ერთ-ერთი მიკროსაფინანსო ორგანიზაციის უბადრუკ ოფისში, 7 წლით გამოამწყვდიეს ციხეში. არ უნდა გამოგვრჩეს! ლევან ზურაბაშვილის ჩაქოლვის მოთხოვნით აღგზნებული საჯარო “მოღვაწეები” სააკაშვილს უდანაშაულოს უწოდებენ და მის გათავისუფლებას ითხოვენ!
ასეთია ჩვენი საზოგადოების კულტურა და სტანდარტი:
გავლენიანს, მდიდარს, ძალაუფლების მქონეს, ცნობილს იცავენ და ადამიანების ცემას, წამებას, მილიონების მოპარვას პატიობენ ! გარიყულს, ღარიბს, სუსტს, უცნობს კი ბოლომდე სრესენ,“- წერს ლევან ლორთქიფანიძე.
პოლიტოლოგი მიიჩნევს, რომ ხელისუფლების მხრიდან ლევან ზურაბაშვილისნაირი ადამიანის დასჯა მაშინ, როცა გაცილებით დიდი დანაშაულების ჩამდენი ადამიანების დასჯას ვერ ახერხებს, ხელისუფლების სისუსტეზე მიუთითებს.
„ხელისუფლება როგორი გვყავს? არაფრის თავი არ აქვს! მხოლოდ ლევან ზურაბაშვილისნაირების დასჯა შეუძლია, ადეიშვილს გამწარებულმა ადამიანებმა ევროპის დედაქალაქებში უნდა სდიონ ქუჩა-ქუჩა, კეზერაშვილმა ომის, ჯარისკაცთა სისხლისღვრის შემდეგ ნაშოვნი ფულით აქ უნდა აფინანსოს პოლიტიკური ცხოვრება. ზუგდიდში ასობით ათასის გამტაცებელი ესებუა კაცმა არ იცის, სად წავიდა…
სასწრაფოდ უნდა მოვითხოვოთ ლევან ზურაბაშვილის შეწყალება!“- წერს ლევან ლორთქიფანიძე.
ცნობისათვის, “ზურაბაშვილი სათამაშო ხელყუმბარით თბილისში წერეთლის გამზირზე მდებარე მიკროსაფინანსო ორგანიზაცია „ემ-ბი-სის“ ოფისში 2020 წლის 20 ნოემბერს შეიჭრა და რამდენიმე ადამიანი მძევლად აიყვანა. მისი მიზანი პოლიტიკური მოთხოვნების გაჟღერება იყო, შეჭრის შედეგად არავინ დაშავებულა.