რუსთავში, „ქართული ოცნების“ თავმჯდომარე ირაკლი კობახიძემ, რუსთავისა და გარდაბნის ათ თემში პარლამენტის მაჟორიტარი დეპუტატობის კანდიდატის, ირაკლი შატაკიშვილის საარჩევნო შტაბი გახსნა და კანდიდატი წარადგინა.
როგორც კობახიძემ აღნიშნა, შატაკიშვილი უკონკურენტო კანდიდატია და არჩევნებში დამაჯერებლად გაიმარჯვებს.
„ჩვენთვის არის პრინციპულად მნიშვნელოვანი რუსთავში და გარდაბნის ისტორიულ სოფლებში ამ არჩევნების მოგება. გვყავს ღირსეული კანდიდატი – ირაკლი შატაკიშვილი, რომელიც არის პროფესიონალი, ძალიან კარგი იურისტი. ძალიან დიდი წარმატებებისთვის აქვს მიღწეული პროფესიული საქმიანობის განმავლობაში. მე დარწმუნებული ვარ, რომ ის იქნება ძალიან ღირსეული პარლამენტის წევრი, რომელიც იზრუნებს რუსთავზე და გარდაბნის ისტორიულ სოფლებზე უკვე საპარლამენტო მოღვაწეობის ფორმატში“, – განაცხადა კობახიძემ.