გერმანიაში დღეს საპრეზიდენტო არჩევნები გაიმართება. Deutsche Welle-ს ცნობით, პრეზიდენტობისთვის 4 კანდიდატი იბრძვის, თუმცა ფავორიტად მოქმედი პრეზიდენტი ფრანკ-ვალტერ შტაინმაიერი მიიჩნევა.
65 წლის შტაინმაიერს მხარს უჭერენ „სოციალ-დემოკრატები“, „მწვანეები“ და „ქრისტიან-დემოკრატები“, შესაბამისად, მას ხმების უმრავლესობა წინასწარ აქვს უზრუნველყოფილი.
შტაინმაიერის გარდა პრეზიდენტობის კანდიდატები არიან ექიმი გერჰარდ ტრაბერტი („მემარცხენეები“), ეკონომისტი მაქს ოტე („ალტერნატივა გერმანიისთვის“) და ასტროფიზიკოსი შტეფანი გებაუერი („თავისუფალი ამომრჩევლები“).
გერმანიაში პრეზიდენტს ფედერალური კრება ირჩევს, რომელიც ბუნდესტაგის და ბუნდესრატის წევრისგან შედგება. ფრანკ-ვალტერ შტაინმაიერი პრეზიდენტად 2017 წელს აირჩიეს.
კომენტარები