პარლამენტის თავმჯდომარე შალვა პაპუაშვილი საქართველოს მესამე პრეზიდენტის მიხეილ სააკაშვილის საქმეზე საგამოძიებო კომისიის შექმნას გადაცემა “იმედი ლაივში” ეხმიანება და აცხადებს, რომ ოპოზიციას აღნიშნული კომისიის შექმნა პოლიტიკური ტემპერატურის ასაწევად სჭირდება.
პაპუაშვილის თქმით, “ნაციონალური მოძრაობა” იძულებულია, რომ მიხეილ სააკაშვილის თემის ტყვეობაში იყოს.
“საგამოძიებო კომისიის შექმნის ჩანაფიქრი გასაგებია, მათ ამ საკითხთან დაკავშირებით პოლიტიკური ტემპერატურის აწევა სურთ. ამას ვამბობდი, რომ “ნაციონალური მოძრაობა” სამწუხაროდ პოლიტიკური დისკუსიისთვის საკუთარ თავს ჩიხში აყენებს, მათ შორის სააკაშვილის საკითხით. ისინი ვერა და ვერ გამოდიან იმ გავლენისგან, რომელიც მათ ლიდერს პარტიაში აქვს და შესაბამისად, იძულებულები არიან ყოველ დღე თემად აქციონ სააკაშვილის საკითხი და აქედან გამომდინარე ზღუდავენ თავის თავს და ზოგადად, პოლიტიკურ დისკუსიას. ეს არის ჩიხი. “ნაციონალური მოძრაობა” იძულებულია რომ მიხეილ სააკაშვილის თემის ტყვეობაში იყოს“, – განაცხადა შალვა პაპუაშვილმა