რაც შეეხება „ომიკრონით“ რეინფიცირებას, იმ მოკლე ვადებში, რასაც ადამიანები ჩივიან, რომ 2-3 კვირაში დაემართათ, ეს პრაქტიკულად ძალიან ნაკლებადაა შესაძლებელი. თეორიულად ალბათ შეიძლება, მაგრამ არა ასე მასიურად, როგორც ამას ბევრი აღნიშნავს, – განაცხადა ინფექციონისტმა მაია ბუწაშვილმა „იმედის დღეში“ სტუმრობისას.
მისი თქმით, წლის ამ პერიოდში აქტიურად ცირკულირებს სხვა რესპირაციული ვირუსული ინფექციები, და ალბათობა იმისა, რომ კოვიდგადატანილ ადამიანს დაემართოს, მაღალია. მისივე თქმით, არსებობს ვარაუდი, რომ „ომიკრონის“გადატანის შემთხვევაში რეინფიცირების შანსი მინიმუმ 2-4 თვე პრაქტიკულად არ არის.
„კოვიდგადატანილს ადვილად შეიძლება დაემართოს სხვა რესპირაციული ინფექციები და სიმპტომები ყველა ერთმანეთს ჰგავს, ამიტომ ადამიანებს ჰქონიათ, რომ კოვიდი დაუბრუნდათ. მეტიც, შეიძლება ტესტი ჩაიტარონ და ისევ დადებითი იყოს, ჩვენ ვიცით, რომ ზოგჯერ განკურნებულებშიც „პისიარი“ იჭერს ძველ ნარჩენებს ვირუსის. ეს არ ნიშნავს, რომ ეს მიმდინარე კოვიდია და ადამიანი გადამდებია“, – განაცხადა ბუწაშვილმა.