„ლელოს“ ერთ-ერთი ლიდერი, ბადრი ჯაფარიძე მედიასთან ამბობს, რომ „პატრიოტთა ალიანსის“ ლიდერთან, ირმა ინაშვილთან შეხვედრაზე საუბრის თემა, შუალდური არჩევნები არ ყოფილა და შეხვედრაზე მხოლოდ მის წინააღმდეგ საკანონმდებლო ორგანოს მიერ გადადგმული ნაბიჯები განიხილეს.
„ირმასთან კონსოლიდაციაზე საუბარი არ ყოფილა. მან თვითონ თქვა, რომ არ აყენებენ რუსთავში კანდიდატს. მე მას მოვუყევი იმ უმსგავსო საქციელთან დაკავშირებით, როგორც მოიქცა ქართული ოცნება ჩემთან მიმართებაში. ვფიქრობ, რომ უნდა დავამსხვრიოთ ეს ტრადიცია, რომ ადამიანები თუ სხვადასხვა პოლიტიკურ პლატფორმების მიეკუთვნებიან, ამის გამო ერთმანეთს არ ესაუბრებოდნენ. პოლიტიკოსებმა უნდა ვისწავლოთ განსხვავებული პოლიტიკური შეხედულებების მიუხედავად ერთმანეთთან საუბარი“, – განაცხადა ბადრი ჯაფარიძემ.
ბადრი ჯაფარიძესა და ირმა ინაშვილს შორის შეხვედრა გაიმართა.