პრეზიდენტი ბაიდენი მალე გამოსცემს აღმასრულებელ ბრძანებას, რომელიც აკრძალავს ახალ ინვესტიციებს, ვაჭრობასა და დაფინანსებას ამერიკელი პირების მიერ უკრაინის დონეცკისა და ლუგანსკის რეგიონებში. ამის შესახებ თეთრი სახლის განცხადებაშია ნათქვამი.
თეთრ სახლში ასევე აღნიშნავენ, რომ აღმასრულებელი ბრძანება ასევე უზრუნველყოფს სანქციების დაწესების უფლებას ნებისმიერ პირზე, რომელიც გადაწყვეტს უკრაინის ამ რაიონებში ოპერირებას. სახელმწიფო დეპარტამენტი და ხაზინის დეპარტამენტი დამატებით დეტალებს უახლოეს მომავალში გაავრცელებენ. აშშ ასევე მალე გამოაცხადებს დამატებით ზომებს რუსეთის მიერ საერთაშორისო ვალდებულებების დღევანდელ უხეშ დარღვევასთან დაკავშირებით.
„ეს ზომები განცალკევებულია და ემატება იმ სწრაფ და მკაცრ ეკონომიკურ ზომებს, რომლებსაც ჩვენ ვამზადებთ მოკავშირეებთან და პარტნიორებთან კოორდინაციით, თუ რუსეთი შემდგომში უკრაინაში შეიჭრება“, – ნათქვამია განცხადებაში.