ქართველი მუსიკოსი ზუმბა (ზაზა კორინთელი) სამშობიაროდან წლების წინ დაკარგულ საკუთარ ტყუპისცალს ეძებს.
აღნიშნულის შესახებ თამუნა მუსერიძე სოციალური ქსელის ერთ-ერთ ჯგუფში წერს.
“ვეძებთ 1973 წელს, მეორე სამშობიაროში დაბადებულ და მოპარულ ტყუპისცალს. დაგვეხმარეთ, ხალხო, ფოტოზე არის ზუმბა. ვეძებთ მის მოპარულ ტყუპისცალს!” – წერს თამუნა მუსერიძე.
პოსტის კომენტარებში სოციალური ქსელის მომხმარებლები წერენ, რომ ზუმბას მსგავსი ადამიანი ქუთაისში უნახავთ.
“ქუთაისში დამინახავს მსგავსი პიროვნება”;
“არ ვარ საქართველოში ამჟამად. არის ზუსტად ასეთი უთმო ადამიანიც და მეორე მელოტი. როგორ შეიძლება რომელიმე არ იყოს. დახმარება ქუთაისის ჯგუფს ვთხოვოთ”;
“მეც მინახავს ქუთაისში მსგავსი გარეგნობით და მეგონა, რომ ზუმბა ვნახე, ისე მიხაროდა, არადა, თურმე სხვა ყოფილა”;
“ვაიმე, ქუთაისში დადის ერთი კაცი, როცა არ უნდა დამენახა, სულ გავივლებდი გულში, ზუმბას როგორ გავს-მეთქი. ქუთაისში ეძებეთ. აი, გაჭრილი ვაშლივით ჰგავს”;
“შოკი მაქვს, იმდენად ჰგავს ჩემს ნაცნობს”;
“არ გადამრიოთ, ღმერთო, რა უსინდისობაა ამდენი უვარგისი ქართველი, რომელიც ბავშვებს ყიდდა და ახლა ისინი და მითთანანი სამშობლოს ყიდიან. ვუსურვებ ზუმბას, რომ მოძებნოს თავისი ძმა”;
“მთელი საქართველოს ბავშვები მოპარული და გაყიდულია. ეს რა ერი ვართ. რამდენი სადისტი და დამნაშავე სამედიცინო პერსონალი მუშაობდა სამშობიაროებში? ყველამ უნდა აგოს პასუხი, ვისაც ასეთ საქმეებთან შეხება ჰქონდა”;
“ვაიმე, დედა, იმდენი დაკარგული ან მოპარული ანდაც გაშვილებული ბავშვის ისტორიას ვისმენთ, ლამის უკვე ჩემს გენეტიკაშიც შემეპაროს ეჭვი…ზუმბასნაირი მეორე რომ იყოს, მართლა კარგი იქნებოდა, ასეთი მეორე ნიჭიერი რა მაგარია, წარმატებები ყველას”.