გმირმა ახალგაზრდებმა, იუნკრებმა დაგვიტოვეს მაგალითი, რომელიც დღესაც სახელმძღვანელოდ რჩება, – ამის შესახებ პრემიერ-მინისტრმა, ირაკლი ღარიბაშვილმა 1921 წლის თებერვალში კოჯორ-ტაბახმელასთან დაღუპულ იუნკერთა ხსოვნისადმი მიძღვნილ ღონისძიებაზე განაცხადა.
„ჩვენი მთავარი საზრუნავი, მთავარი ოცნება ჩვენი ქვეყნის გამთლიანებაა, ჩვენი ტერიტორიული მთლიანობისა და სუვერენიტეტის განმტკიცება და აღდგენა. ამას რა თქმა უნდა, ერთობლივი ძალისხმევა, ჩვენი ერის გამთლიანება სჭირდება, რომლის გარეშე პრაქტიკულად მიუღწეველია თითოეული მოქალაქის ეს ოცნება. მჯერა, რომ გზა თავისუფლებისკენ, ქვეყნის გაერთიანებისკენ გადის ქვეყნის ეკონომიკურ განვითარებაზე, ჩვენი ქვეყნის სტაბილურობაზე, ჩვენი სახელმწიფოებრიობის განმტკიცებაზე, სიმშვიდეზე და ჩვენი ერის გაერთიანებაზე“, – განაცხადა პრემიერ-მინისტრმა.