ბინძური ხელის ფათური ქართულ სპორტში არ შეშვენის არც ამ ქვეყანას და პირველ რიგში არც რაგბის, – ამის შესახებ „ქართული ოცნების“ წევრმა გიორგი ცაგარეიშვილმა განაცხადა.
„დარწმუნებული ვარ ასეთ პროვოკატორები ჩრდილს ვერ მიაყენებენ ამ სპორტულ შეჯიბრს. ამ პოლიტიკოსებს თავის გამოჩენის საშუალება მრავალჯერ ჰქონდათ, მათ შორის რუსეთთან დაპირისპირების ჟამს და ყველგან და ყოველთვის ეს ადამიანები ბრძოლის ველიდან კუდამოძუებული გაქცეულები მახსოვს, როცა მიატოვეს თავიანთი სამშობლო და თანამებრძოლები. ბინძური ხელის ფათური ქართულ სპორტში არ შეშვენის არც ამ ქვეყანას და პირველ რიგში არც რაგბის. რაც არ უნდა ინტრიგები იყოს გარეთ, ყველაფერი მინდორზე გადაწყდება“, – აღნიშნა გიორგი ცაგარეიშვილმა.
საქართველოსა და რუსეთის მორაგბეთა შეხვედრა 27 თებერვალს, 18:00 საათზე, თბილისში გაიმართება.