ბრიუსელში, რამდენიმე დღის განმავლობაში შეხვედრები გვქონდა ნატოს შტაბ-ბინაში და შემიძლია გითხრათ, რომ განწყობა არის ძალიან მძიმე. დასავლეთმა წინა კვირებისგან განსხვავებით, როგორც ჩანს ერთბაშად გააცნობიერა, რომ უკრაინაში მიმდინარე მოვლენები არ არის მხოლოდ მუქარა, არამედ არის სერიოზული ცვლილება მთელი გეოპოლიტიკური ლანშაფტის, – ამის შესახებ საპარლამენტო უმრავლესობის წევრმა გიორგი ხელაშვილმა „ქრონიკას“ განუცხადა, რომელიც ბრიუსელში იმყოფება.
„მიდის მუშაობა, რუსეთის აგრესიის შესაჩერებლად არამარტო უკრაინაში არამედ მთელს ევროპაში, რისთვისაც შეიძლება წლების, ან ათწლეულის სტრატეგია გახდეს საჭირო, ამისთვის საჭირო იქნება მთელი ავროპის და ტრანსატლანტიკური სივრცის ერთიანობა და ერთ მუშტად შეკვრა. განწყობა ვფიქრობ არის ისიც, რომ უახლოეს ხანებში დასავლეთს არაფრის გაკეთება აღარ შეუძლია, გარდა ჰუმანიტარული, ფინანსური დახმარების უკრაინის მიმართ და შესაბამისად სტრატეგია გათვლილი იქნება გაცილებით უფრო გრძელვადიან პერსპექტივაზე“, – განაცხადა ხელაშვილმა.