მოვუწოდებ ხელისუფლებას, უახლოეს პერიოდში განხორციელდეს ხელისუფლების და ოპოზიციის ერთობლივი ვიზიტი სტრასბურგში, ბრიუსელში, ევროკავშირის ყველა ოფიციალურ სტრუქტურაში, – ამის შესახებ „სტრატეგია აღმაშენებლის” ლიდერი გიორგი ვაშაძე აცხადებს, რითაც საქართველოს ევროკავშირში გაწევრიანების დაჩქარების მოთხოვნით ოფიციალური განაცხადის საკითხს ეხმიანება.
მისი თქმით, საქართველომ ძალიან ბევრი გაიღო იმისთვის, რომ ჩვენ მივაღწიოთ ევროკავშირის წევრობას და ახლა იწილო-ბიწილოს და გარჩევის დრო აღარ არის.
„გავაკეთოთ ერთობლივი დელეგაცია, პოზიციისა და ოპოზიციის, ყველანი ერთად ჩავიდეთ ბრიუსელში, დავიწყოთ პირდაპირ საუბარი ჩვენს დასავლელ პარტნიორებთან, დავიწყოთ ფართო კამპანია იმისთვის, რომ საქართველომ ეს შანსი ხელიდან არ გაუშვას. ახლა არის ეროვნული თანხმობისა და ერთად მუშაობს დრო“, – განაცხადა გიორგი ვაშაძემ.
ირაკლი ღარიბაშვილმა ევროკავშირის წევრობის კანდიდატის სტატუსის მისაღებად განაცხადს ხელი მოაწერა.