ამერიკის სახელმწიფო მდივანი მოლდოვას სტუმრობს. კიშინევში ენტონი ბლინკენი პოლონეთიდან ჩავიდა.
ამერიკის პირველი დიპლომატი მოლდოვის პრეზიდენტს, მაია სანდუს შეხვდა. ბლინკენმა მოლდოვის სწრაფვას ევროკავშირის წევრობისკენ მხარდაჭერა გამოუცხადა და აღნიშნა, რომ შეერთებული შტატები ქვეყნის ენერგეტიკაში 18-მილიონიან ინვესტიციას განახორციელებს.
თავის მხრივ, სანდუმ განაცხადა, რომ მოლდოვა ჯერჯერობით რუსულ გაზზეა დამოკიდებული და მასზე უარის თქმა დღესდღეობით არ შეუძლია. მისივე თქმით, მოლდოვა ენერგეტიკული სექტორის გაძლიერებასა და ალტერნატიული მარშრუტების გამონახვაზე იზრუნებს.
კომენტარები