“უკრაინას და საქართველოს მხოლოდ ერთად შეუძლიათ შექმნილი უსიამოვნებების გადალახვა, ამიტომ მოვუწოდებ ყველას ერთიანობისა და საერთო ქმედებებისაკენ რუსეთის ბარბაროსული აგრესიის შესაჩერებლად“, – ამის შესახებ საქართველოში უკრაინის დროებითმა რწმუნებულმა ანდრეი კასიანოვმა განაცხადა.
მისივე თქმით, უკრაინა და საქართველო მოძმე ერები არიან, რომლებმაც რუსეთის მხრიდან აგრესია განიცადეს.
“დღეს რუსეთის აგრესიის შედეგია 2 მილიონი უკრაინელი ლტოლვილი, „Unicef”-ის ინფორმაციით, მათგან 1 მილიონი ბავშვია. ჰუმანიტარული მდგომარეობა ძალზედ მძიმეა, მადლობას ვუხდით პოლონეთს, რომელიც იქცა ლტოლვილების მიღების რეგიონალურ კერად, მაგრამ მხოლოდ ის უკვე ვერ უმკლავდება უკრაინიდან წამოსული ლტოლვილების ნაკადს. ლტოლვილების მიღებას აქტიურად უერთდებიან გერმანია, შვეიცარია, კანადა და დასავლეთის სხვა ქვეყნები. საქართველოს მთავრობა და ადგილობრივი თვითმმართველები აკეთებენ ყველაფერს რათა უზრუნველყონ შესაძლო მხარდაჭერა უკრაინის მოქალაქეებისადმი, რომელთაც იძულებითი წესით უწევთ გაქცევა საკუთარი ტერიტორიიდან. ვიმედოვნებთ, რომ საქართველო მათ სათანადო დახმარებას გაუწევს და უზრუნველყოფს მათ საცხოვრებელს. ჩვენ ვხედავთ, რომ ქართველი ხალხი თვალს ადევნებს მოვლენების განვითარებას უკრაინაში და მართავს მრავალრიცხოვან გამოსვლებს საქართველოს ქალაქებსა და დასახლებულ პუნქტებში, რითაც გამოხატავს სოლიდარობას უკრაინისა და უკრაინელი ხალხის მიმართ. უკრაინა და საქართველო მოძმე ერები არიან, რომლებმაც განიცადეს აგრესია რუსეთის მხრიდან, ეს უბედურება მათ აერთიანებთ. უკრაინას და საქართველოს მხოლოდ ერთად შეუძლიათ შექმნილი უსიამოვნებების გადალახვა, ამიტომ მოვუწოდებ ყველას ერთიანობისა და საერთო ქმედებებისაკენ რუსეთის ბარბაროსული აგრესიის შესაჩერებლად“, – განაცხადა ანდრეი კასიანოვმა.