ნიდერლანდების სამეფოს პრემიერ-მინისტრი, მარკ რუტე საქართველოს პრემიერ-მინისტრ, ირაკლი ღარიბაშვილთან სატელეფონო საუბარს, სოციალურ ქსელ „ტვიტერში“ ეხმაურება.
მარკ რუტეს თქმით, მან გამოხატა ნიდერლანდების უცვლელი მხარდაჭერა ორივე ქვეყნის, უკრაინისა და საქართველოს სუვერენიტეტისა და ტერიტორიული მთლიანობისადმი.
„ახლახან ვესაუბრე საქართველოს პრემიერ-მინისტრ ირაკლი ღარიბაშვილს, ბოლო მოვლენების შესახებ უკრაინაში, ომთან დაკავშირებით. გამოვხატე ნიდერლანდების უცვლელი მხარდაჭერა ორივე ქვეყნის, უკრაინისა და საქართველოს სუვერენიტეტისა და ტერიტორიული მთლიანობისადმი”,- აღნიშნავს ნიდერლანდების პრემიერ-მინისტრი.
📞: I just spoke to Georgian Prime Minister @GharibashviliGe about the latest developments regarding the war in Ukraine. I expressed the Netherlands’ undiminished support for the sovereignty and territorial integrity of both Ukraine and Georgia.
— Mark Rutte (@MinPres) March 16, 2022