საკრებულოს თავმჯდომარე გიორგი ტყემალაძე სოციალურ ქსელში პოსტს აქვეყნებს.
“დღეს სტრასბურგში უკრაინელ კოლეგებს შევხვდით. შეხვედრა ევროპის საბჭოს ადგილობრივ და რეგიონულ ხელისუფლებათა კონგრესის 42-ე პლენარული სესიის ფარგლებში გაიმართა.
კონგრესში მონაწილე უკრაინის დელეგაციას კიდევ ერთხელ დავუდასტურეთ ჩვენი ქვეყნის მხარდაჭერა და სოლიდარობა როგორც ცენტრალური, ასევე ადგილობრივი ხელისუფლების დონეზე და საერთაშორისო ასპარეზზე.
კოლეგებს გავაცანით ინფორმაცია ყველა იმ ღონისძიების შესახებ, რასაც საქართველოში მყოფი უკრაინელი მოქალაქეების დასახმარებლად ვატარებთ.
შეხვედრაზე ასევე განვიხილეთ ევროსაბჭოს ადგილობრივ და რეგიონულ ხელისუფლებათა კონგრესის მიერ უკრაინის უფრო ქმედითი და აქტიური მხარდაჭერის შესაძლებლობები.
ვფიქრობთ, შეიქმნას ახალი პლატფორმა, რათა მეგობარი ქვეყნისთვის ჰუმანიტარული დახმარების გაწევა უფრო მეტად მიზნობრივად განხორციელდეს.
#COECongress2022
”#StandWithUkraine 🇺🇦🇬🇪“