პოლონეთის პარლამენტის ქვედა პალატამ მიიღო რეზოლუცია, რომელიც გმობს რუსეთის ქმედებებს უკრაინაში და უწოდებს მათ დანაშაულს კაცობრიობის წინააღმდეგ. პოლონელმა დეპუტატებმა დოკუმენტი ერთხმად და ოვაციებით დაამტკიცეს.
რეზოლუციის თანახმად, უკრაინაში ჩადენილი დანაშაულების საჯაროდ ხელმისაწვდომი მტკიცებულებები სეიმს და საერთაშორისო საზოგადოებას აძლევს საფუძველს, აღიარონ ვლადიმერ პუტინი ომის დამნაშავედ.
პოლონელმა დეპუტატებმა განაცხადეს: “პოლონეთის სეიმი მტკიცედ გმობს ხანგრძლივ ძალადობის აქტებს, ომის დანაშაულებს, კაცობრიობის წინააღმდეგ ჩადენილ დანაშაულებს, გენოციდის აქტებს, ადამიანის უფლებათა სისტემურ დარღვევასა და საერთაშორისო სამართლის სხვა დანაშაულებს, რომლებიც ჩადენილია სუვერენული უკრაინის ტერიტორიაზე რუსეთის შეიარაღებული ძალებისა და მათი მოკავშირეების მიერ, პრეზიდენტ ვლადიმირ პუტინის უშუალო დაქვემდებარებაში მყოფი სამხედრო მეთაურების ბრძანებით”.
მათ მოუწოდეს თანამოაზრე ქვეყნებს, მხარი დაუჭირონ საერთაშორისო სასამართლოსა და სისხლის სამართლის საერთაშორისო სასამართლოს მიერ სამართალწარმოების დაწყებას და იმოქმედონ საერთაშორისო ორგანიზაციების მეშვეობით პუტინისა და სხვა რუსი ლიდერების პასუხისმგებლობის დასაყენებლად.