რუსეთ-უკრაინის ომში დაღუპული ქართველი მებრძოლები დავით რატიანი და გიორგი ბერიაშვილი სამხედრო პატივით სამოქალაქო სასაფლაოზე დაკრძალეს.
დავით რატიანის ცხედარი ქაშვეთის ტაძარში სამოქალაქო პანაშვიდის შემდეგ, ვარკეთილის სასაფლაოზე გადაასვენეს, ხოლო გიორგი ბერიაშვილის ცხედარი მარიამ მეგვიპტელის ეკლესიიდან გამოსვენების შემდეგ – თემქის სასაფლაოზე. ისინი სამხედრო პატივით დაკრძალეს.
დავით რატიანისა და გიორგი ბერიაშვილის ცხედრები თბილისში 24 მარტს ჩამოასვენეს. ისინი უკრაინის ქალაქ ირპენში 18 მარტს გარდაიცვალნენ. ორი ყოფილი სპეცრაზმელი უკრაინაში საბრძოლველად მოხალისედ გაემგზავრა.
კიდევ ერთი ქართველი მებრძოლი, ბახვა ჩიქობავა, 19 მარტს მარიუპოლში დაიღუპა. მისი გადმოსვენება ამ ეტაპზე ქალაქში მიმდინარე აქტიური საბრძოლო მოქმედებების გამო ვერ ხერხდება.
კომენტარები