უკრაინელი სამხედროების ინფორმაციით, მათ შეძლეს ქალაქ ტროსტიანეცის რუსი ჯარისკაცებისგან გათავისუფლება. უკრაინის არმიის 93-ე მექანიზებულ ბრიგადაში აცხადებენ, რომ რუსმა სამხედროებმა ქალაქი დატოვეს.
მათივე ცნობით, 93-ე ბრიგადის სამხედროებმა შეძლეს რუსული სახმელეთო ძალების ელიტური დანაყოფის განდევნა. საუბარია კანტემირის სატანკო დივიზიაზე.
„რუსული არმია გაიქცა ტროსტიანეციდან, დატოვა შეიარაღება, ტექნიკა და ტყვია-წამალი, რომელსაც 93-ე ბრიგადა გამოიყენებს სხვა უკრაინელი ქალაქების ოკუპანტებისგან გასათავისუფლებლად“ – აცხადებენ უკრაინელი სამხედროები.
კომენტარები