“მათთვის საქმე და ქვეყნის ინტერესი მეორეხარისხოვანია, თუ ისინი არ იმყოფებიან ხელისუფლებაში”

უიშვიათესი გამონაკლისების გარდა, ოპოზიცია და, მათ შორის, „ნაციონალური მოძრაობა“ მოწადინებული არ არის, რომ რეალურად საქმიან პროცესში ჩაერთონ, – ამის შესახებ საპარლამენტო უმრავლესობის წევრმა, მიხეილ სარჯველაძემ  განაცხადა.

„მათთვის საქმე და ქვეყნის ინტერესი მეორე ხარისხოვანია, თუ ისინი არ იმყოფებიან ხელისუფლებაში. ეს სამწუხაროდ რეალობაა, რომელთანაც შეგუება პირველ რიგში მათ არ უნდათ. პასუხისმგებლობიანი ოპოზიცია ნიშნავს იმას, რომ იმ 4 წლის განმავლობაში, ვიდრე ეს პერიოდი გაქვს განსაზღვრული, სრულიად უნიკალური და უმნიშვნელოვანესი ფუნქციის შესრულება უწევს ამ ხალხს, მაგრამ ამაზე უარს ამბობენ, იმ ერთ წელზეც არაა ლაპარაკი, რომელიც ტყუილად გაფლანგეს, როდესაც საერთოდ ბოიკოტს უცხადებდნენ პარლამენტს. ახლა თვითონ ვეღარ ხსნიან რისთვის გაფლანგეს ეს პერიოდი“, – განაცხადა მიხეილ სარჯველაძემ.