„უკრაინელებით იბრძვიან თავიანთი სამშობლოს დასაცავად რუსული აგრესიისგან, რომელიც არღვევს ყველა ცივილიზებულ ნორმას. ვიცი, რომ ეს განსაკუთრებით მტკივნეულია ქართველებისთვის. თქვენ ძალიან კარგად იცით, რას ნიშნავს, როდესაც შენს ქვეყანაში იჭრებიან და იკავებენ ძალები, რომლებიც მართვას შიშითა და ჩაგვრის გზით ცდილობენ“, – განაცხადა ამერიკის შეერთებული შტატების ელჩმა საქართველოში, საქართველო-აშშ-ის სტრატეგიული პარტნიორობის 30 წლის იუბილესთან დაკავშირებით გამართულ სოლიდარობის კონცერტზე.
კელი დეგნანის თქმით, ახლა, ისე, როგორც არასდროს, საჭიროა ერთიანობა და სოლიდარობა.
„უკრაინის წინააღმდეგ რუსეთის აგრესია ბოლო შეხსენებაა, რატომ უნდა იდგნენ ადამიანები ერთად, რომლებსაც სჯერათ თავისუფლების, რატომ არის ძლიერი პარტნიორობა უფრო მნიშვნელოვანი, ვიდრე ოდესმე. მსოფლიო რევანშისტული რუსეთის წინაშე დგას, რომელიც აპირებს, ძირი გამოუთხაროს საკუთარ მეზობლებს, მშვიდობას, სტაბილურობასა და ფუნდამენტურ პრინციპებს, რომლებითაც ჩვენ ყველა ვცხოვრობთ. ახლა, როგორც არასდროს, ერთიანობის დროა. დადგა სოლიდარობის დრო საქართველოს შიგნით და საერთაშორისო საზოგადოებაში“, – აღნიშნა კელი დეგნანმა.