ევროკავშირთან უვიზო მიმოსვლის 5 წლის იუბილეს საქართველოს პრემიერ-მინისტრი ირაკლი ღარიბაშვილი სოციალურ ქსელ “ტვიტერში“ ეხმაურება.
მთავრობის მეთაური წერს, რომ ევროკავშირთან უვიზო მიმოსვლა, რომელიც 5 წლის წინ მიიღო საქართველომ, ისტორიული მიღწევა და ევროპული ინტეგრაციის გზაზე კიდევ ერთი წინგადადგმული ნაბიჯი იყო.
„დღეს ევროკავშირთან უვიზო მიმოსვლის ხუთი წლის იუბილეს აღვნიშნავთ. ეს იყო ისტორიული მიღწევა და ევროპული ინტეგრაციის გზაზე კიდევ ერთი წინგადადგმული ნაბიჯი. ჩვენი მთავრობა შესაძლებლობის მაქსიმუმს აკეთებს იმისათვის, რომ ქართველი ხალხის ურყევი არჩევანი ეფექტურად განხორციელდეს, რაც საბოლოო ჯამში, ევროკავშირში საქართველოს გაწევრიანებამდე მიგვიყვანს“,- აღნიშნავს პრემიერ-მინისტრი.
Today marks the 5th anniversary of #visafree regime with 🇪🇺- historic achievement and another step on 🇬🇪's European integration path. Our Gov't spares no effort to effectively implement irreversible European choice of Georgian people ultimately leading to country's 🇪🇺 membership! pic.twitter.com/HcZ9Ety5g6
— Irakli Garibashvili (@GharibashviliGe) March 28, 2022