საქართველოს ფინანსთა მინისტრის, ლაშა ხუციშვილის განცხადებით, დღეს ქვეყანაში ხორბლის საკმარისი რაოდენობაა და სასურსათო უსაფრთხოებას საფრთხე არ ექმნება.
მისივე თქმით, მეტი რაოდენობის ხორბალი თუ იქნება საჭირო, შესაბამის გადაწყვეტილებას მიიღებენ.
როგორც ფინანსთა მინისტრმა აღნიშნა, ამ ეტაპზე საქართველოში თვე-ნახევრის ხორბლის რესურსია მომარაგებული.
„ფქვილის ფასთან დაკავშირებით საერთაშორისო ბაზრებზე ძალიან დინამიურია სიტუაცია. ცვლილებები ძალიან სწრაფად ხდება როგორც შემცირების, ასევე ზრდის მიმართულებით. შესაბამისად, ამ ეტაპზე მუშაობა გრძელდება. თუ იქნება საჭიროება და მაღალი რისკი, რომ ქვეყანას დასჭირდება მეტი ხორბლის შემოტანა სასურსათო უსაფრთხოების გამყარებისთვის, ეს გადაწყვეტილება ბუნებრივია, იქნება მიღებული. სხვათა შორის, ეს გადაწყვეტილება მიღებული იყო პანდემიის პერიოდში, გარკვეული თვეების განმავლობაში. დღეს ქვეყანაში ასეთი საფრთხე არ დგას. ქვეყანაში დაახლოებით, 1.5 თვის ხორბლის რესურსია, რაც ქვეყანას ყოფნის ერთ თვეს, ეს ასე თუ ისე დადგენილი სტანდარტია. თუ ასეთი საკითხი დადგება, რომ გარკვეულწილად შეიძლება, საფრთხე შეექმნას სასურსათო უსაფრთხოებას, ბუნებრივია, ასეთი ტიპის ღონისძიებები იქნება გამოყენებული“, – განაცხადა ლაშა ხუციშვილმა