მე უკვე დიდი ხანია იმედგაცრუებული ვარ. მგონია, გარკვეულ ოპოზიციონერებთან რაღაც გარიგებებს აქვს ადგილი, – ამის შესახებ პარტია „კანონი და სამართლის“ დამფუძნებელმა თაკო ჩარკვიანმა განაცხადა.
„ეს ოპოზიციის პიპინ-პიპინიც უკვე სასაცილოდ აღარ მეჩვენება. გარკვეულ ადამიანებში უკვე რაღაც მაიმუნური, ცუდი სუნი მცემს. მე უკვე დიდი ხანია იმედგაცრუებული ვარ ამ სტაგნაციური მდგომარეობით. უკვე სტაგნაციასაც აღარ ვარქმევ. მგონია, რომ გარკვეულ ოპოზიციონერებთან რაღაც გარიგებებს აქვს ადგილი. მთლიანად ოპოზიციურ სპექტრს არ შევასხამ ტალახს. ეს უბრალოდ სწორი არ იქნება, მაგრამ, ასეთი სტაგნაცია – ან ბრიყვი ან თაღლითი ხარ“,- აღნიშნა თაკო ჩარკვიანმა.
პარლამენტის წევრმა გუბაზ სანიკიძემ „TV პირველის“ ეთერში საუბრისას განაცხადა, რომ იმ პოლიტიკურ სპექტრს, რომელსაც თვითონ წარმოადგენს, არ აქვს უნარი, რამე შეცვალოს.