რუსეთის სახელმწიფო დუმის დეპუტატმა, მიხეილ დელიაგინმა განაცხადა, რომ რუსეთმა აზერბაიჯანი ერთმნიშვნელოვნად და მკაცრად უნდა დასაჯოს მთიან ყარაბაღში მოქმედების გამო.
„თურქეთის სატელიტის მხრიდან აგრესიის ეს პოლიტიკა რეალური საფრთხეა. ამისთვის აზერბაიჯანი მკაცრად და ერთმნიშვნელოვნად უნდა დაისაჯოს. რაში გვჭირდება აზერბაიჯანის ნავთობის მრეწველობა? ჩვენ ის არ გვჭირდება. თუ სიტყვები არ ესმით, მოუწევთ საქმე გაიგონ. თუ ამას არ გავაკეთებთ, ჩვენ არ ვიქნებით. საკითხი ასე დგას“, – აღნიშნა რუსმა დეპუტატმა.
მოგვიანებით, რუსმა დეპუტატმა სოციალურ ქსელში გამოკითხვა ჩაატარა შემდეგი კითხვით: „უნდა გამოიყენოს თუ არა რუსეთმა აზერბაიჯანის ნავთობის მრეწველობის წინააღმდეგ ტაქტიკური ბირთვული იარაღი?“
რუსეთის პრეზიდენტის ოფიციალურმა წარმომადგენელმა, დიმიტრი პესკოვმა განაცხადა, რომ დეპუტატი დელიაგინის განცხადება რუსეთის ოფიციალურ პოლიტიკას არ ასახავს.