უკრაინა მზად არის უსაფრთხოების გარანტიების სანაცვლოდ ნეიტრალური სტატუსი მიიღოს. ამის შესახებ BBC წერს.
გამოცემის ინფორმაციით, სტამბოლში, რუსეთსა და უკრაინას შორის მოლაპარაკებების მორიგი რაუნდის შემდეგ უკრაინის წარმომადგენლებმა განაცხადეს, რომ ქვეყნის უსაფრთხოების გარანტორებს შორის განიხილებიან პოლონეთი, ისრაელი, თურქეთი და კანადა. ნეიტრალური სტატუსის შემთხვევაში უკრაინა ნატოს წევრობაზე უარს იტყვის.
ამასთან, მათი წინადადება რუსეთის მიერ ანექსირებული ყირიმის სტატუსის შესახებ 15-წლიან საკონსულტაციო პერიოდს ითვალისწინებს.
უკრაინისა და რუსეთის დელეგაციების მოლაპარაკებები სტამბოლში, 29-30 მარტს იმართება.
მანამდე რუსულმა მხარემ განაცხადა, რომ მხარეები ერთმანეთს ხვალ შეხვდებიან. ამასთან, რუსეთის თავდაცვის სამინისტროში განაცხადეს, რომ კიევისა და ჩერნიგოვის მიმართულებებზე სამხედრო აქტივობის შემცირება გადაწყვიტეს.