დღეს დილით მიკოლაევის ადმინისტრაციულ შენობაზე, სარაკეტო თავდასხმა მოხდა. უცნობია მსხვერპლის რაოდენობა. მიმდინარეობს ნანგრევებიდან ადამიანების ამოყვანა.
“ახლა ნანგრევებში ხალხს ვეძებ. თავდასხმა განხორციელდა სახელმწიფო ადმინისტრაციის შენობაზე. შენობის ნახევარი განადგურებულია. მათ დაარტყეს ჩემს ოფისს. ხალხის უმეტესობამ თავს გაქცევით უშველა. დაახლოებით 50-ზე მეტმა ადამიანმა დააღწია ნანგრევებს თავი. ოკუპანტებმა შეცვალეს თავდასხმის სტილი მიკოლაივზე. თუ შენ აპირებ რომ დაიკავო რაღაც, შენ გჭირდება რეგიონალური კონტროლი კავშირებზე, სისტემებზე. ისინი აცნობიერებენ რომ მიკოლაივს ვერ დაიპყრობენ და მათ გამარჯობა ამ გზით მითხრეს. ჩვენც პასუხს სათანადოდ გავცემთ,”– აცხადებს მიკოლაევის ოლქის გუბერნატორი ვიტალი კიმი.
მტერს ოდესიდან უკან არ დაუხევია. დივერსიული ჯგუფები ტერიტორიაზე შეღწევას ცდილობენ. უკრაინელები კონტრდივერსიული სამუშაოებს ეფექტურად ატარებენ, აცხადებს რეგიონული სამხედრო ადმინისტრაციის ოპერატიული შტაბის სპიკერი.
რუსული ძალები განაგრძობენ შეტევას მარიუპოლზეც, მაგრამ ქალაქის ცენტრი კვლავ უკრაინის კონტროლქვეშ რჩება. ბრიტანეთის დაზვერვის თანახმად, უკრაინის ძალები განაგრძობენ კონტრშეტევებს კიევის ჩრდილო-დასავლეთით, განსაკუთრებით ირპენში, ბუჩასა და გოსტომელში. შედეგად მათ რამდენიმე პოზიციიდან რუსების მოგერიება შეძლეს. უკრაინელმა სამხედროებმა რუსული დიდი სადესანტო ხომალდი “სარატოვი” გაანადგურეს. შემთხვევა დროებით ოკუპირებული ბერდიანსკის პორტთან მოხდა.