რუსული შეიარაღებული ძალები მომდევნო 5-7 წლის განმავლობაში ბრძოლისუუნაროები იქნებიან – ამის შესახებ უკრაინის პრეზიდენტის ოფისის ხელმძღვანელის მრჩეველი ოლექსი არესტოვიჩი აცხადებს. მისივე განმარტებით, რუსეთი ეკონომიკურად განადგურებულია და აღდგენას ამ კუთხით დიდი ხანი ვერ შეძლებენ.
“რუსეთი ეკონომიკურად დანგრეულია, იმ შემთხვევაშიც კი, თუ ახლა სანქციებს მოხსნიან, ისინი ძალიან დიდი ხანი ვერ წამოდგებიან. ყველაზე მთავარია, რომ ვერ შეძლებენ დაჩქარებულად აღადგინონ შეიარაღებული ძალები იმიტომ, რომ ჩვენ დავამარცხეთ მათი ელიტური სამეთაურო ნაწილების 60-70%, თითოეული ჯარისკაცი, რომელიც მილიონი დოლარი ღირს. ამას კი რამდენიმეწლიანი შერჩევა და მომზადება სჭირდება… და საიდან უნდა მიიღონ ეს? რომელი ფულით მოამზადონ, უკაცრავად?
რუსული შეიარაღებული ძალები მომდევნო 5-7 წლის განმავლობაში ბრძოლის უუნაროები არიან. რუსეთი მთლიანად შეცვლის საკუთარ პოლიტიკას აგრესიულიდან – მეტად შეკავებულზე,” – განაცხადა ოლექსი არესტოვიჩმა.