ბიბილოვის განცხადება მიერთებასა და რეფერენდუმის ჩატარებაზე კარგი გაკვეთილია ყველა იმ ადამიანისთვის, ვინც ფიქრობს, რომ რუსეთთან ენის მოჩლექით, სავაჭრო ურთიერთობების გაგრძელებით და დათმობის პოლიტიკით რამეს მივაღწევთ, – ამის შესახებ პარტია „სტრატეგია აღმაშენებლის“ წევრმა პაატა მანჯგალაძემ განაცხადა.
„ეს არის პირდაპირი მუქარა საქართველოს ტერიტორიული მთლიანობის წინააღმდეგ და ყველა ხელისუფლებამ უნდა იცოდეს, რომ რუსეთთან ენის მოჩლექით საუბარი არანაირი ეფექტის მომტანი არ არის, რადგან მათ აქვთ თავიანთი იმპერიული პოლიტიკა და ჩვენ მათ უნდა აღვუდგეთ მხოლოდ 2 რამით: ერთიანობა და ჩვენი მხარდამჭერების მობილიზება მსოფლიოში“, – განაცხადა მანჯგალაძემ.
ოკუპირებულ ცხინვალში განაცხადეს, რომ რუსეთის შემადგენლობაში შესვლის თაობაზე ე.წ. რეფერენდუმი 10 აპრილის შემდეგ გაიმართება.