12:00 საათისთვის ბათუმში შუალედურ არჩევნებში აქტივობა 18,8%, ხოლო რუსთავსა და გარდაბანში 11.2% იყო – ინფორმაციას ამის შესახებ ცენტრალური საარჩევნო კომისია ავრცელებს.
„ამ დროისთვის საარჩევნო უბნებზე ხმის მიცემის პროცესი მშვიდ ვითარებაში მიმდინარეობს. ამომრჩევლებს აქვთ შესაძლებლობა, თავისუფლად, ყოველგვარი დაბრკოლების გარეშე განახორციელონ კონსტიტუციური უფლება და გამოხატონ საკუთარი ნება.
წარმოგიდგენთ ამომრჩეველთა აქტივობას 12:00 საათისთვის შუალედურ არჩევნებზე მივიდა სულ 19 610 ამომრჩეველი, რაც ამომრჩეველთა საერთო რაოდენობის 12,2%-ია. ბათუმში 12:00 საათისთვის საარჩევნო უბნებზე მივიდა 3 872 ამომრჩეველი (18,8%); ხოლო რუსთავსა და გარდაბანში – 15 738 (11.2%)“, – აცხადებენ საარჩევნო ადმინისტრაციაში.
კომენტარები