ჯანდაცვის, განათლებისა და რეგიონული განვითარების მიმართულებების დაფინანსება გაიზრდება, – განაცხადა გიორგი კვირიკაშვილმა მთავრობის დღევანდელ სხდომაზე. კერძოდ: ჯანდაცვის დაფინანსება 200 მილიონით, განათლება 150 მილიონით, ხოლო რეგიონული განვითარება 300 მილიონით არის გაზრდილი.
„დაახლოებით 200 მილიონი ლარით არის გაზრდილი ჯანდაცვისა და სოციალური მიმართულების დაფინანსება. 150 მილიონ ლარამდე იზრდება განათლებისა და მეცნიერების დაფინანსება, რაც როგორც პროფესიული სასწავლებლების განვითარებას, ასევე, პროფესიული ზრდის სქემის მიხედვით, მასწავლებლების ანაზღაურების ზრდას და რეფორმით გათვალისწინებულ სხვა ღონისძიებებს მოხმარდება. 300 მლნ ლარით მეტია გათვალისწინებული რეგიონული განვითარების და ინფრასტრუქტურის სამინისტროს ბიუჯეტში და დაფინანსება 1.3 მილიარდი ლარი იქნება. თუმცა ინფრასტრუქტურის მიმართულებით, ეს არის კონსერვატიული დაგეგმვა, ჩვენ ბევრად მეტი და რეკორდული რესურსის მობილიზებას ვგეგმავთ“,- განაცხადა გიორგი კვირიკაშვილმა.