“ამ ტიპის დეზინფორმაცია პარტნიორი ქვეყნისგან, განსაკუთრებით ამ პირობებში, სრულიად მიუღებელია”

საქართველოს პარლამენტის სპიკერი, შალვა პაპუაშვილი უკრაინის თავდაცვის სამინისტროს დაზვერვის მთავარი სამმართველოსა და უკრაინის ვიცე-პრემიერის განცხადებებს ტყუილს უწოდებს.

„მარტივად რომ ვთქვათ, ეს ტყუილია! ამ ტიპის დეზინფორმაცია პარტნიორი ქვეყნისგან, განსაკუთრებით ამ პირობებში, სრულიად მიუღებელია“, – დაწერა შალვა პაპუაშვილმა Twitter-ზე.

მანამდე უკრაინის თავდაცვის სამინისტროს დაზვერვის მთავარმა სამმართველომ ინფორმაცია გაავრცელა, რომლის თანახმადაც, საქართველოს პოლიტიკური ხელმძღვანელობა რუსეთთან შეთანხმებულია საკუთარი ტერიტორიის გავლით სანქცირებული პროდუქტების კონტრაბანდის სახით შეტანაზე.