თავის სამართლებელი საქართველოს არავისთან არაფერი არ სჭირს. იმ მოვლენაზე, რაც ბუნებაში არ არსებობს, ჩვენ მტკიცებულებებს ვერ მოვიტანთ. თავიდანვე ნათელი იყო, რომ გავრცელებული ინფორმაცია ე.წ. სატვირთო დერეფნების შექმნაზე იყო ყალბი და ცრუ, – ამის შესახებ ფრაქცია „ქართული ოცნების“ თავმჯდომარის მოადგილემ გია ცაგარეიშვილმა „ქრონიკის“ ეთერში განაცხადა.
ვიმედოვნებთ, რომ ყველაფერი ნათელი გახდება ჩვენი უკრაინელი მეგობრებისთვის. თავის სამართლებელი საქართველოს არავისთან არაფერი არ სჭირს, მათ შორის არც ჩვენს მოძმე ერთან, რომელიც სისხლისმღვრელ ომშია ჩართული რუს ოკუპანტებთან. იმ მოვლენაზე, რაც ბუნებაში არ არსებობს, ჩვენ მტკიცებულებებს ვერ მოვიტანთ. თავიდანვე ნათელი იყო, რომ გავრცელებული ინფორმაცია ე.წ. სატვირთო დერეფნების შექმნაზე იყო ყალბი და ცრუ. ეს ვერ დადასტურდა – ჩვენ ველოდებით რამდენიმე დღის განმავლობაში, თუმცა მტკიცებულებები არ გამოჩნდა და ვერც გამოჩნდება. სუსს, ფინანსთა სამინისტროს ჰქონდათ კონტაქტი უკრაინის საელჩოსთან და კოლეგებთან უკრაინაში. მათ ნათლად განემარტათ, რომ საჭირო იყო ინფორმაციის მოწოდება, რაც არ იყო მოწოდებული. მგონი, ყველასთვის ნათელია, რომ არავითარი ტვირთები საქართველოს გავლით არ მოძრაობს. დღეს პრემიერ-მინისტრმა განაცხადა, რომ საქართველო მკაცრად აკონტროლებს სატრანსპორტო დერეფნებს, რომელიც ჩვენს ტერიტორიაზე არსებობს, და ვერავითარი სამხედრო დანიშნულების ტვირთი ვერცერთი მიმართულებით ვერ გადაადგილდება. აქ უნდა დავსვათ წერტილი“, – განაცხადა ცაგარეიშვილმა.