დღეს მთავრობამ ფერმერების დახმარების ახალი პროგრამა დააანონსა. პრემიერ-მინისტრის ირაკლი ღარიბაშვილის განცხადებით, სასოფლო-სამეურნეო დანიშნულების მიწის მფლობელები ფინანსურ დახმარებას მიიღებენ.
“გადავწყვიტეთ, რომ სასოფლო-სამეურნეო დანიშნულების მესაკუთრეთა ხელშეწყობის სახელმწიფო პროგრამა დავიწყოთ. პროგრამის დამტკიცების ერთ-ერთი მნიშვნელოვანი ამოცანაა სასოფლო-სამეურნეო სამუშაოების დროული და ეფექტიანი განხორციელება. სასოფლო-სამეურნეო მიწაზე სუბსიდიის მოცულობა 1 ჰა-ზე 300 ლარით განისაზღვრება. კერძოდ, სუბსიდიას მიიღებენ 0.5 ჰა-დან 1.25 ჰა ჩათვლით მიწის მესაკუთრეები. ბენეფიციარებს ეს თანხა აგრობარათზე დაერიცხებათ და მათ შეეძებეთა ის მხოლოდ სასოფლო-სამეურნეო დანიშნულების საქონლის საყიდად გამოიყენონ”,-განაცხადა ღარიბაშვილმა.
ღარიბაშვილის თქმითვე, ამ დახმარებით 300 ათასამდე ფერმერი ისარგებლებს, ხოლო პროექტის ჯამური ღირებულება 35 მლნ ლარი იქნება. მთავრობა ფიქრობს, რომ ეს პროგრამ სასოფლო-სამეურნეო პროდუქტის წარმოების თვითღირებულებასაც შეამცირებს.