სომხეთის პრემიერ-მინისტრი ნიკოლ ფაშინიანი ოფიციალური ვიზიტით მოსკოვში ჩავიდა. სააგენტო „არმენპრეს“-ის ინფორმაციით, ორდღიანი ვიზიტისას ფაშინიანი შეხვდება რუსეთის პრეზიდენტ პუტინს, პრემიერ-მინისტრ მიშუსტინს, დუმის სპიკერ ვოლოდინს და ფედერაციის საბჭოს თავმჯდომარე მატვიენკოს.
როგორც სომხეთის საინფორმაციო სააგენტო წერს, ნიკოლ ფაშინიანი და ვლადიმირ პუტინი განიხილავენ სომხეთ-რუსეთის სტრატეგიულ-სამოკავშირეო ურთიერთობებს და მთიანი ყარაბაღის შესახებ სომხეთის, რუსეთის და აზერბაიჯანის ლიდერების მიერ მიღწეული შეთანხმებების შესრულებას.
რუსეთის შუამავლობით, სომხეთი და აზერბაიჯანი მთიან ყარაბაღში საომარი მოქმედებების შეწყვეტაზე 2020 წლის ნოემბერში შეთანხმდნენ. აზერბაიჯანმა 90-იან წლებში დაკარგული კონტროლი დაიბრუნა ყარაბაღის რამდენიმე რაიონზე. 2022 წლის მარტში, კონფლიქტის ზონაში სიტუაცია ისევ დაიძაბა.