რუსმა ოკუპანტებმა ოდესაზე სარაკეტო იერიში მიიტანეს. ადგილობრივი მედიის ცნობით, ამის შესახებ საქალაქო საბჭო იუწყება.
ქვეყნის შინაგან საქმეთა მინისტრის მრჩევლის, ანტონ გერაშენკოს განცხადებით, აგრესორებმა ოდესის მიმართულებით სულ მცირე 6 ფრთოსანი რაკეტა გაუშვეს, უკრაინულებმა რამდენიმე მათგანის ჩამოგდება შეძლეს.
ოდესაზე თავდასხმას ადასტურებს ასევე უკრაინის საგარეო საქმეთა მინისტრი, დმიტრო კულება.
„ოდესაზე რუსული სარაკეტო დარტყმის ერთადერთი მიზანი არის ტერორი. რუსეთი ტერორიზმის სპონსორ სახელმწიფოდ უნდა იყოს აღიარებული და შესაბამისად უნდა მოეპყრან. არავითარი ბიზნესი, არანაირი კონტაქტები, არანაირი კულტურული პროექტები. ჩვენ გვჭირდება კედელი ცივილიზაციასა და ბარბაროსებს შორის, რომლებიც ახორციელებენ სარაკეტო თავდასხმებს მშვიდობიან ქალაქებზე ”, – წერს დმიტრო კულება „ტვიტერში“.