ამერიკის შეერთებული შტატების სახელმწიფო მდივანი ენტონი ბლინკენი და თავდაცვის მინისტრი ლოიდ ოსტინი კიევში შეხვდნენ უკრაინის პრეზიდენტ ვოლოდიმირ ზელენსკის და მისი ხელისუფლების მაღალჩინოსნებს. შეხვედრა 24 აპრილს გაიმართა.
სააგენტო AP-ს ინფორმაციით, ბლინკენმა და ოსტინმა ზელენსკის აცნობეს, რომ უკრაინა აშშ-ისგან მიიღებს კიდევ 300 მილიონ დოლარზე მეტი თანხის სამხედრო დახმარებას და შეატყობინეს, რომ უახლოეს ხანში პრეზიდენტი ბაიდენი ოფიციალურად დანიშნავს ახალ ელჩს და კიევში ეტაპობრივად დაბრუნდებიან უკრაინიდან ომის გამო წასული ამერიკელი დიპლომატებიც.
ვაშინგტონს უკრაინაში ელჩი არ ჰყავს 2019 წლიდან, მას შემდეგ, რაც მაშინდელმა პრეზიდენტმა, დონალდ ტრამპმა კიევიდან გაიწვია ელჩი მარი იოვანოვიჩი.
კომენტარები