უკრაინის სახალხო დამცველის, ლუდმილა დენისოვას განცხადებით, ხერსონში ერთ-ერთი ეკლესიის სარდაფში ამ დრომდე რჩება 58 ბავშვი.
ბავშვებთაგან 10 4 თვიდან 1 წლამდე ასაკისაა, დანარჩენები 4 წლამდე. მათ შორის არიან შეზღუდული შესაძლებლობის მქონი ბავშვები, რომლებიც განსაკუთრებულ მოვლასა და მკურნალობას საჭიროებენ.
ლუდმილა დენისოვა დახმარებას სთხოვს ყველას, ვისაც შეუძლია მათი უსაფრთხო რეგიონში გაყვანა და ამ მიზნით ჰუმანიტარული კორიდორის მოწყობა.
“ვთხოვ ყველას, ვისაც შეუძლია წვლილი შეიტანოს ამ ბავშვების უკრაინის უსაფრთხო რეგიონში გადაყვანაში, არ დარჩეს განზე და მიიღოს ყველა ზომა, რომელზეც დამოკიდებულია ჰუმანიტარული დერეფნის გახსნა, რათა ბავშვები საბოლოოდ დაცულები იყვნენ”, – აცხადებს დენისოვა.
მისივე თქმით, ამ ბავშვებისთვის უსაფრთხო ადგილი უკრაინის რეგიონში ნაპოვნი აქვთ.