„პენიტენციური სამსახური გადაწყვეტილებას ყოველთვის პატიმრის ჯანმრთელობისა და უსაფრთხოების ინტერესებიდან გამომდინარე იღებს. რა თქმა უნდა, მას [მიხეილ სააკაშვილს] ყოველთვის ადეკვატური სამედიცინო მომსახურება გაეწევა“, – განაცხადა იუსტიციის მინისტრმა მთავრობის ადმინისტრაციაში, ჟურნალისტებთან საუბრისას.
რატი ბრეგაძის თქმით, დაუსაბუთებელი ბრალდებები მიუღებელია.
„არსებობს გარკვეული მიზანმიმართული კამპანია. კიდევ ერთხელ გაიჟღერა ტერმინმა „ფატალური შედეგი“. სპეციალური პენიტენციური სამსახური ყოველთვის მოქმედებდა, და ბუნებრივია, ეს მომავალშიც ასე იქნება, ნებისმიერი მსჯავრდებულის ჯანმრთელობისა და უსაფრთხოების ინტერესებიდან გამომდინარე – თითოეულ მათგანს ადეკვატური სახის სამედიცინო მომსახურება ეწევა. რა თქმა უნდა, ამაზე უნდა იყოს მათივე თანხმობაც“, – განაცხადა რატი ბრეგაძემ.